Вазирлар Маҳкамасининг «Ўзбекистон Республикаси Давлат ўқ-гилзотекаси фаолиятини ташкил этиш чора-тадбирлари тўғрисида»ги қарори қабул қилинди.
Ҳужжат билан Ўзбекистонда ички ишлар органлари штат тақсимотига ўзгартириш киритилади.
Хусусан, ички ишлар органларининг мавжуд штат бирлигидан Ўзбекистон Республикаси Давлат ўқ-гилзотекасини шакллантириш бўйича умумий сони 32 нафар ходимдан иборат қўшимча эксперт лавозимини жорий этишни назарда тутувчи ички ишлар органлари эксперт-криминалистика бўлинмалари штат тақсимотига ўзгартириш киритилиши мўлжалланмоқда.
Бундан ташқари, терговга қадар текширув, суриштирув ва дастлабки терговни амалга ошириш давомида аниқланган, олинган ва ихтиёрий топширилган ўқотар қуроллар ва ўқ-дориларни Ўзбекистон Республикаси Давлат ўқ-гилзотекасига ҳисобга қўйиш учун юбориш ва қайтариш тартибини белгилаб берувчи идоралараро йўриқнома ишлаб чиқилади.
Шунингдек, Ўзбекистон Республикаси Давлат ўқ-гилзотекасини шакллантириш бўйича эксперт лавозимига тайинланган ҳудудий ички ишлар органлари эксперт-криминалистика бўлинмалари ходимларини Ўзбекистон Республикаси Ички ишлар вазирлиги малака ошириш институти базасида ўқитиш режалаштирилган.
Изоҳ (0)