Сирдарё вилояти Халқ депутатлари Кенгашининг 13 январь, душанба куни бўлиб ўтган олтинчи чақириқ биринчи сессиясида вилоят ҳокимини лавозимга тайинлаш масаласи кўриб чиқилди. Ғофуржон Мирзаев Сирдарё вилояти ҳокими лавозимига қайта тасдиқланди. Бу ҳақда вилоят ҳокимлиги ахборот хизмати хабар берди.
Маълум қилинишича, «Маҳаллий давлат ҳокимияти тўғрисида»ги Ўзбекистон Республикаси қонунининг 2-моддасига мувофиқ, халқ депутатлари Сирдарё вилояти Кенгаши томонидан «Ўзбекистон Республикаси Президенти томонидан Сирдарё вилояти ҳокими лавозимига тақдим этилган номзодни тасдиқлаш тўғрисида»ги қарор бир овоздан маъқулланди.
Аввалроқ Тошкент шаҳар ҳокими Жаҳонгир Ортиқхўжаев, Қашқадарё вилояти ҳокими Зоир Мирзаев ҳамда Наманган вилояти ҳокими Хайрулло Бозоров ўз лавозимларига тасдиқланган эди.
Изоҳ (0)