Қорақалпоғистонинг Элликқалъа туманида содир бўлган ЙТҲда 58 ёшли фуқаро вафот этди.
ЙҲХББ хабарига кўра, воқеа 7 январь куни соат 20:40 ларда Элликқалъа тумани ҳудудидан ўтган А-380 Ғузор—Бухоро—Нукус—Бейнау автомобиль йўлининг 610-километрида содир бўлган.
Шу туманда яшовчи 27 ёшли ҳайдовчи Д.Х. отасига тегишли Nexia автомобилини бошқараётиб, йўлнинг белгиланмаган жойидан кесиб ўтаётган 58 ёшли пиёда Р.Қ.ни уриб юборган. Оқибатда жабрланувчи тан жароҳати олиб, касалхонада вафот этган.
Автоҳалокат сабаби ўрганилганда, Nexia ҳайдовчиси тезликни ошириши оқибатида йўлни белгиланмаган жойидан кесиб ўтаётган пиёдани кўрмай қолиб, уриб юборган.
Аввалроқ Сурхондарёда тезликни оширган Nexia дарахтга урилиши оқибатида йўловчилардан бири вафот этгани хабар берилган эди.
Изоҳ (0)