Россия президенти Владимир Путиннинг буйруғига биноан Ўзбекистоннинг Жиззах вилоятида туғилган, ҳозирда Қозоғистон фуқароси миллиардер Фаттоҳ Шодиев «Дўстлик» ордени билан тақдирланди. Бу ҳақда Шодиевнинг ўзи аъзоси бўлган МГИМО Васийлик кенгаши матбуот хизмати хабар берди.
Орден маданият ва санъат соҳасидаги қилган хизматлари, кўп йиллик самарали фаолияти учун берилди.
«Фаттоҳ Қаюмовични ушбу юксак мукофот билан чин юракдан табриклаймиз! Бизнесда омад ва янги зафарлар тилаймиз», — дейилади хабарда.
Фаттоҳ Шодиев ERG (Eurasia Group) ҳамда IMR (International Mineral Resources) ширкатлари ҳаммуассиси, Халқаро Шодиев жамғармаси асосчиси, МГИМО Васийлик кенгаши аъзоси ҳисобланади.
Аввалроқ Фаттоҳ Шодиев Россияда «Йил ҳомийси» унвонига сазовор бўлгани ҳақида хабар берилган эди.
Изоҳ (0)