Футбол бўйича Англия Лига Кубогининг биринчи ярим финал баҳси 7 январь, сешанба куни бўлиб ўтди. Унда Манчестер шаҳрининг икки клуби ўзаро беллашди.
«Олд Траффорд» стадионида бўлиб ўтган ўйинда «Манчестер Сити»нинг қўли баланд келди. Учрашувнинг 17-дақиқасида Бернарду Силва жарима майдони ташқарисидан чиройли зарба йўллаб, ҳисобни очди.
33-дақиқада Риёд Маҳрез «шаҳарликлар»нинг иккинчи голини урди. Орадан олти дақиқа ўтиб, Андреас Перейра ўз дарвозасини ишғол қилиб қўйди ва ҳисоб йирик кўриниш олди.
Иккинчи бўлим ўрталарига келиб «Манчестер Юнайтед» футболчилари ҳисобни қисқартиришга эришди. 70-дақиқада Маркус Рэшфорд жамоасининг тезкор қарши ҳужумини гол билан якунлади.
Шу тариқа Пеп Гвардиола шогирдлари илк баҳсда ғалаба билан ортга қайтди. Ушбу жамоалар иштирокидаги жавоб ўйини 30 январь куни бўлиб ўтади.
Англия Лига Кубоги
Ярим финал, илк баҳс
7 январь, сешанба
«Манчестер Юнайтед» — «Манчестер Сити» 1:3
Голлар: 0:1 – 17 Бернарду Силва, 0:2 – 33 Маҳрез, 0:3 – 38, автогол Перейра, 1:3 – 70 Рэшфорд.«Манчестер Юнайтед» — Де Хеа, Уан-Биссака, Уильямс, Линделёф, Жонс, Лингард (Матич, 46), Фред, Перейра, Жеймс (Гомес, 64), Гринвуд (Марсьял, 81), Рэшфорд.
«Манчестер Сити» — Браво, Уокер, Менди, Отаменди, Бернарду Силва, Гундўған, Стерлинг, де Брюйне (Габриэль Жезус, 80), Маҳрез (Фоден, 86), Фернандиньо, Родри Эрнандес.
Огоҳлантиришлар: Лингард (35), Фред (52), Родри Эрнандес (63), Уильямс (73), Уокер (82).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)