Ўзбекистонлик фуқаро Ў. Ўринов UFC’нинг енгил вазндаги чемпиони Ҳабиб Нурмагомедов билан жанг ташкил этиб берилишини сўраб, президент порталига мурожаат қилди.
Ўриновнинг Президент ишонч телефонига йўллаган мурожаати акс этган ҳужжат ижтимоий тармоқларда тарқалди.
«Мен Ҳабиб Нурмагомедов билан жанг қилмоқчиман. Бу масалада ҳеч қаерга мурожаат қилмадим. Илтимос, менга шу имкониятни яратиб беришларини сўрайман. Ҳабиб камарини ҳалоллаб олсин. Мени ҳам, Ҳабибни ҳам тиббий кўрикдан ўтказишларини сўрайман», — дейилади мурожаатда.
Маълумот учун, Ҳабиб 18 апрель куни АҚШда навбатдаги жангини ўтказади. Унга Тони Фергюсон рақиблик қилади.
Эслатиб ўтамиз, бу кўринишдаги мурожаатлар порталга биринчи марта йўлланаётгани йўқ. Вақтида Президент порталига эр топиб бериш, давлат ҳисобидан шахсий машина ажратиш, ИИБда захирадаги киллер бўлиш истагида бўлган шахслар ҳам мурожаат йўллаган эди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)