Тошкент шаҳрининг 2020 йилги бюджети 3,5 триллион сўм миқдорида режалаштирилган, дея хабар бермоқда «Soliq plus» нашри.
Ҳокимлик матбуот хизматидан маълум қилишларича, 2019 йилги бюджет етарлилик қилган. Таъкидлашларича, ижтимоий соҳа ва капитал қурилишга — янги йўллар, шифохоналар, болалар боғчалари ва мактаблар қуришга катта маблағ сарфланмоқда. Қўшимча қилинишича, пойтахт ҳокимлиги шаҳар мулкини ижарага беришдан ҳар йили 20 миллиард сўмдан зиёд даромад олади.
2019 йилда ҳокимлик томонидан Сергели ва Яшнободда 15 972 хонадонга эга 350 та турар жой (2018 йилга нисбатан 90 тага кўпроқ) қурилган. Сергелидаги уйлар ижтимоий ҳимояга муҳтож оилалар учун, Яшнободдагилари эса ҳарбий хизматчилар, ёшлар ва Миллий гвардия ходимлари учун қурилган.
Қайд этишларича, Тошкентда бўш ер майдонлари йўқ, фақат у ёки бу субъектларга тегишли, самарасиз фойдаланилаётган ёки умуман фойдаланилмаётган ер майдонлари бор. Бу ерларнинг самарадорлигини ошириш учун лойиҳалар ишлаб чиқилмоқда.
Изоҳ (0)