«Фламенго» клуби ярим ҳимоячиси Рейньер фаолиятини «Реал»да давом эттиришга яқин турибди. Бу ҳақда El Chiringuito хабар берди.
Мадрид клуби 17 ёшли футболчи трансферини якунлаш жараёнида турибди. Рейньер «Реал»га ўтган тақдирда клубнинг иккинчи жамоаси сафида фаолият олиб боради.
Жорий мавсум футболчи «Фламенго» сафида 15 та ўйин ўтказди. Унинг ҳисобида олтита гол ва иккита голли узатма мавжуд. Унинг Бразилия клуби билан шартномаси 2024 йил 31 октябрига қадар тузилган. Рейньернинг трансфери 25 млн еврога баҳоланмоқда.
Маълумот учун, «Реал» таркибида Марсело, Каземиро, Эдер Милитао, Родриго, Винисиус Жуниор каби бразилияликлар бор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)