«Ювентус» ҳамда Италия терма жамоаси собиқ ярим ҳимоячиси Мауро Каморанези Словенияда бош мураббий сифатида иш бошлади.
Каморанези «Табор» клуби бош мураббийига айланди. 43 ёшли Мауро клуб билан 2021 йил июнига қадар мўлжалланган шартномага имзо чеккан. Жамоанинг аввалги устози Алмир Сулаймонович эса Каморанезининг ёрдамчисига айланди.
Маълумот учун, Каморанезининг сўнгги иш жойи Мексиканинг «Кафеталерос» клуби бўлганди. У бу клубни 2016—2017 йилларда бошқарган. Бундан ташқари у «Корас де Тепик» ҳамда «Тигре»да ҳам фаолият олиб борган.
«Табор» айни дамда Словения олий дивизионида 8-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)