Apple акцияларининг нархи 2 январь куни илк бор 300 доллардан ошди. Бу ҳақда «Коммерсантъ» хабар бермоқда.
Савдолар ёпиладиган пайт компания қимматли қоғозлари 2,3 фоизга қимматлади ва 300,35 долларни ташкил этди.
Financial Times манбаларига кўра, ҳозирда Apple’нинг бозор капиталлашуви 1,33 триллион долларга етган. Бу кўрсаткич бўйича 1,23 триллион доллар билан Microsoft иккинчи ўринда бормоқда.
Маълумот учун, Apple акциялари нархи 2018 йил августида илк бор 200 доллардан ошганди. 2009 йилдан бери компания қимматли қоғозлари қиймати деярли ўн бараварга ўсди.
Изоҳ (0)