Мудофаа вазирлиги Марказий ҳарбий оркестри Янги йил байрами муносабати билан Тошкент шаҳрининг марказий кўча ва хиёбонларида ўз концерт дастурларини тақдим этиб келмоқда. Бу ҳақда Мудофаа вазирлиги ахборот ва оммавий коммуникациялар департаменти «Дарё»га маълум қилди.
Бугун, 31 декабрь куни ҳарбий оркестрнинг бу каби чиқишлари «Экобозор»да соат 15:00 да бошланади. Шундан сўнг тантанали тадбирлар 17:00 дан бошлаб «Олмос» маҳалласида давом этади.
Таъкидлаш керакки, бу йилги байрам тантаналари аввалгилардан тубдан фарқ қилмоқда. Мудофаа вазирлиги тасарруфидаги ҳарбий оркестрларнинг чиқишлари эса барчага кўтаринки кайфият улашмоқда.
Бадиий дастур давомида куй-қўшиқларни моҳирлик билан ижро этаётган санъаткорларнинг қорбобо кийимидаги чиқишлари давраларга ўзгача файз киритмоқда.
Бу каби тадбирлар барча ҳарбий округларда ўтказилмоқда.
Изоҳ (0)