Mudofaa vazirligi Markaziy harbiy orkestri Yangi yil bayrami munosabati bilan Toshkent shahrining markaziy ko‘cha va xiyobonlarida o‘z konsert dasturlarini taqdim etib kelmoqda. Bu haqda Mudofaa vazirligi axborot va ommaviy kommunikatsiyalar departamenti “Daryo”ga ma’lum qildi.
Bugun, 31-dekabr kuni harbiy orkestrning bu kabi chiqishlari “Ekobozor”da soat 15:00 da boshlanadi. Shundan so‘ng tantanali tadbirlar 17:00 dan boshlab “Olmos” mahallasida davom etadi.
Ta’kidlash kerakki, bu yilgi bayram tantanalari avvalgilardan tubdan farq qilmoqda. Mudofaa vazirligi tasarrufidagi harbiy orkestrlarning chiqishlari esa barchaga ko‘tarinki kayfiyat ulashmoqda.
Badiiy dastur davomida kuy-qo‘shiqlarni mohirlik bilan ijro etayotgan san’atkorlarning qorbobo kiyimidagi chiqishlari davralarga o‘zgacha fayz kiritmoqda.
Bu kabi tadbirlar barcha harbiy okruglarda o‘tkazilmoqda.
Izoh (0)