Самарқанд вилояти Оқдарё туманида содир бўлган ЙТҲ оқибатида 60 ёшли фуқаро ҳалок бўлди. Бу ҳақда Йўл ҳаракати хавфсизлиги бош бошқармаси хабар берди.
Воқеа 26 декабрь куни соат 10:30 ларда юз берган. Самарқанд вилояти Оқдарё тумани ҳудудидан ўтувчи М-37 «Самарқанд—Бухоро—Туркманбоши» автомобиль йўлининг 25-километрида номаълум ҳайдовчи номаълум транспорт воситаси билан йўлни белгиланмаган жойидан кесиб ўтаётган 60 ёшли пиёда Ж.Т.ни уриб юбориб, ҳодиса жойидан яширинган.
Оқибатда пиёда Ж.Т. воқеа жойида ҳалок бўлган.
Кўрилган чоралар натижасида ушбу йўл-транспорт ҳодисасини Навоий вилоятида яшовчи 57 ёшли ҳайдовчи С.Э. ўз бошқарувидаги Mersedes-Bens русумли юк автомобилида содир этгани аниқланган.
Ҳайдовчи шу куннинг ўзида ушланган.
Изоҳ (0)