Когонда ишчилар ёғ заводининг деворини тешиб, 12,5 млн сўмлик маҳсулотларни ўмарди

«Когон ёғ-экстракция заводи» АЖдан қиймати 12 миллион 375 минг сўмлик ёғ маҳсулотларини ўғирлаган шахслар қўлга олинди, деб хабар беради «Постда».

Ўғрилар девор устидан сакраб ўтиб, ғайриқонуний равишда корхонага кирган. Сўнг ёғ маҳсулотлари сақланаётган омбордан 1500 дона елим идишга қадоқланган, жами 12 миллион 375 минг сўмлик ёғ маҳсулотларини ўғирлаб, воқеа жойидан яширилган.

Тезкор-суриштирув ишлари натижасида жиноятчилар қўлга олинди.

Маълум бўлишича, шу заводнинг ўзида ишловчи М.С., Б.Н. ва Х.А. олдиндан тайёрлаб қўйилган девор тешиги орқали ёғ маҳсулотларини ташқарига олиб чиқиб, «Жигули» русумли автомашинасида олиб кетишган.

Ўғирланган ёғ маҳсулотлари ашёвий далил сифатида ҳужжатлаштириб олинган.

Ҳолат юзасидан жиноят иши қўзғатилгани айтилмоқда.