Бош прокуратура боғча мудирасини ишдан бўшатиш мақсадида болаларни заҳарламоқчи бўлган аёлларнинг аудиоёзуви бўйича тергов ҳаракатлари ўтказилаётгани ҳақида «Дарё»га хабар берди.
20 декабрь, жума куни фуқаро С.К. туман прокуратурасига ариза билан мурожаат қилган.
Фуқаро ўз аризасида 2019 йилнинг 16—17 декабрь кунлари жияни Н. орқали С.Ф. билан танишганлигини, у билан жияни Наргизани ишга қандай тиклаш юзасидан маслаҳат сўраганлигини, унга 6-сонли мактабгача таълим муассаси мудираси Д. ва туман МТМ бўлими бошлиғи М. Н.да адовати борлигини, Н.нинг устидан бир неча жойларга ариза билан мурожаат қилганлигини ва боғчадаги болалар заҳарланса текшириш бўлиб, уларнинг барчасини ишдан олиб ташлашини ва уларга нисбатан жиноят иши қўзғатилишини, Бекобод шаҳрида доимо болалар заҳарланаётганини, айнан гўштга дори қўшишни, ундан дори номини билиб беришни сўраганини, болалар енгил заҳарланиб, касалхонага мурожаат қилишини ва шов-шув кўтарилиб, барча ишдан кетишини айтганлигини, Ф.нинг бу ишлари ноқонуний эканлиги сабабли унга нисбатан қонуний чора кўрилишини сўраган.
Мазкур ҳолат юзасидан сўралган С.Ф. ўз тушунтириш хатида, 2019 йилнинг бошларида унинг уйига С. исмли аёл, жияни Н. билан излаб келганлигини, у уйда бўлмаганлиги сабабли онасидан унинг телефон рақамини олиб, унга телефон қилганлигини ва у билан Бекобод тумани Зафар шаҳарчасида учрашганлигини, С. унга МТМ бўлими бошлиғи Н.М.да адовати борлигини ва уни ишдан бўшатмоқчи эканлигини айтганлигини, у С.га Н.М.нинг устидан турли идораларга ариза билан мурожаат қилганлигини, С.ни унинг олдига Н.М. юборганлигидан шубҳаланиб, С.ни Н.М. ёллаган деб ўйлаб, уни синаш учун боғчадаги болалар заҳарланса, уларнинг барчаси ишдан кетишини айтганлигини ва С.ни кейинги ҳаракатларини билиб олмоқчи бўлганлигини, аслида ҳеч кимни заҳарлаш нияти бўлмаганлигини баён қилган.
Мазкур ҳолат юзасидан Бекобод туман прокуратураси томонидан терговга қадар текширув ҳаракатлари олиб борилмоқда, натижалари бўйича қонуний қарор қабул қилиниши таъминланади.
Изоҳ (0)