Франциянинг Париж шаҳрида таниқли моделер Эмануэль Унгаро 86 ёшда вафот этди. Бу ҳақда Meduza хабар берди.
Эмануэль Унгаро ўз карьерасини 1950 йилларнинг ўрталарида бошлаган ҳамда бир неча йил Кристобал Баленсиаганинг ательесида ёрдамчи бўлиб ишлаган.
Унгаро 1965 йилда ўзининг модалар уйини очган. 1970—1980 йилларда у оламшумул машҳурликка эришган.
Унгаронинг мижозлари орасида АҚШнинг собиқ биринчи хоними Жаклин Кеннеди ва француз актрисаси Катрин Денев ҳам бор эди.
Унгаро 1990 йилларнинг ўрталарида ўз компаниясининг назорат акцияларини Италиянинг Salvatore Ferragamo брендига сотган. У 2005 йилда мода соҳасидаги фаолиятини тўхтатган.
Изоҳ (0)