«Наполи» собиқ бош мураббийи Карло Анчелотти фаолиятини «Эвертон»да давом эттиради. Бу ҳақида мерсисайдликлар расмий сайтида маълум қилинди.
Италиялик мутахассис «Эвертон» билан 2023/24 йилги мавсум охиригача мўлжалланган шартнома имзолаган. Аввалроқ мутахассис «Наполи» билан келишувни бекор қилганди. «Эвертон» эса Марку Сильвани истеъфога чиқарган эди.
«Эвертон»ни 21 декабрь кунги «Арсенал»га қарши ўйинда Данкан Фергюсон бошқариб боради. Анчелотти эса 26 декабрь кунги «Бёрнли»га қарши баҳсда дебют қилади.
Анчелотти бунга қадар «Ювентус», «Милан», «Челси», ПСЖ, «Реал», «Бавария» ва бошқа клубларда фаолият юритган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)