Давлат тест маркази журналист берган савол учун «Gazeta.uz» нашрини судга бериб, 200 миллион сўм ундирмоқчи эканлиги хабар берилган эди. Ҳуқуқшунос ва блогер Хушнудбек Худойбердиев бу ҳолатни шармандали деб баҳоланганди.
ДТМ матбуот хизматида қонун устувор жамиятда бу ҳолатнинг салбий баҳоланаётганлиги тушунарсиз эканлиги таъкидланди.
«Бутун жаҳонда кенг тарқалган демократик ва адолатли ечим сифатида амалда бўлган низоли ҳолатни суд орқали ҳал этишнинг нимаси ёмон? Ривожланган ва қонун устувор бўлган ҳуқуқий-демократик жамиятда адолат суд орқали қарор топиши барчага маълум-ку.
Яна бир тушунарсиз, ажабланарли томони — ҳамиша холислик, адолат, ҳақ тарафда бўлган, ҳатто жамоатчилик орасида ўз ўрни, обрўга эга ҳурматли блогерлар ҳам мавжуд ҳолат бўйича тўлиқ маълумотга эга бўлмасдан Давлат тест маркази шаънига ноҳақ гапларни ёзаётганлигидир. Бундай ҳурмати баланд блогерларнинг энг аввало ҳолатга аниқлик киритиш, судга берилганлик сабабини аниқлаш бирламчи вазифаси эди», — дейилади ДТМ муносабатида.
Шунингдек, ДТМ олдиндан ҳиссиётга берилмасдан суд қарорини кутиш мақсадга мувофиқ, деб ҳисоблашини билдирган.
Изоҳ (0)