«Бавария» жамоаси футбол бўйича Германия чемпионатининг 15-тури доирасида «Вердер»ни 6:1 ҳисобида енгди.
Учрашувда мюнхенликлар етакчиси Роберт Левандовски дублга эришди. Натижада полшалик 31 ёшли ҳужумчи Бундеслига тарихидаги энг яхши тўпурарлар рўйхатида учинчи ўринга кўтарилиб олди. Энди Робертнинг ҳисобида Бундеслига ўйинларида урилган 220 та гол бор. Левандовски мазкур поғонани Мюнхенгладбахнинг «Боруссия» клуби собиқ ҳужумчиси Юпп Хайнкес билан бўлишиб турибди.
Мусобақа тарихидаги энг яхши тўпурар эса Герд Мюллер. Унинг ҳисобида 365 та гол бор. Иккинчи ўрин эса 268 та гол урган Клаус Фишерга тегишли.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)