Ягона корпоратив видео марказининг ташкил этилиши ва метрода одамларнинг юзларини таниб олиш имконини берувчи «ақлли» видеокамералар ўрнатилгани хавфсизликни сезиларли даражада яхшилашга ёрдам бермоқда. Бу ҳақда ИИВ транспорт хавфсизлигини таъминлаш Бош бошқармаси раҳбари Олег Биченов маълум қилди, дея хабар беради UZ24.
Жорий йилда турли жиноятлари учун қидирилаётган 12 шахс қўлга олинган. Шунингдек, ушбу чора-тадбирлар туфайли жиноятларнинг умумий сони ўтган йилга нисбатан 46,5 фоизга (1253 дан 670 гача) камайди. Жиддий ва ўта жиддий жиноятлар содир этилмаган.
«Йил бошидан буён 457 та унутилган нарсалар, масалан, сигарет қутилари, телефонлар, портфеллар каби турли қутилар топилди. Ҳар сафар портловчи моддаларни зарарсизлантириш учун зарур асбоб-ускуналар билан махсус бўлинма келади. Улар профессионал ишлайди ва поездларнинг ҳаракатланиш жадвалига таъсир қилмайди, йўловчиларга ноқулайлик туғдирмайди», — дейди бошқарма вакили.
Изоҳ (0)