Yagona korporativ video markazining tashkil etilishi va metroda odamlarning yuzlarini tanib olish imkonini beruvchi “aqlli” videokameralar o‘rnatilgani xavfsizlikni sezilarli darajada yaxshilashga yordam bermoqda. Bu haqda IIV transport xavfsizligini ta’minlash Bosh boshqarmasi rahbari Oleg Bichenov ma’lum qildi, deya xabar beradi UZ24.
Joriy yilda turli jinoyatlari uchun qidirilayotgan 12 shaxs qo‘lga olingan. Shuningdek, ushbu chora-tadbirlar tufayli jinoyatlarning umumiy soni o‘tgan yilga nisbatan 46,5 foizga (1253 dan 670 gacha) kamaydi. Jiddiy va o‘ta jiddiy jinoyatlar sodir etilmagan.
“Yil boshidan buyon 457 ta unutilgan narsalar, masalan, sigaret qutilari, telefonlar, portfellar kabi turli qutilar topildi. Har safar portlovchi moddalarni zararsizlantirish uchun zarur asbob-uskunalar bilan maxsus bo‘linma keladi. Ular professional ishlaydi va poyezdlarning harakatlanish jadvaliga ta’sir qilmaydi, yo‘lovchilarga noqulaylik tug‘dirmaydi”, — deydi boshqarma vakili.
Izoh (0)