Uzbekistan Airways’нинг 2 та қатнови кечиктирилди, биттаси бекор қилинди

Uzbekistan Airways иккита қатнови кечикиш билан амалга оширилиши ва биттаси бекор қилиниши ҳақида хабар берди.

HY-606 (Москва—Самарқанд) қатновининг учиши техник сабабларга кўра 12 декабрь соат 21:55 ўрнига Москва вақти бўйича 13 декабрь соат 01:55 да амалга оширилади. Етиб келиш вақти соат 03:30 да эмас, соат 07:30 да бўлиши кутилмоқда (маҳаллий вақт бўйича).

HY-627 (Фарғона—Москва) қатновининг учиши об-ҳаво шароитлари сабабли 12 декабрь соат 17:40 дан 13 декабрь соат 11:50 га кўчирилди.

HY-046 (Самарқанд—Тошкент) қатнови техник сабабларга кўра бекор қилинди. Ушбу қатнов йўловчилари HY-042 қатнови билан 13 декабрь соат 21:15 да олиб кетилади.

«Юзага келган ноқулайликлар учун узр сўраймиз ва тушунишингиздан умидвормиз», — дейилади хабарда.