Тошкентнинг Учтепа тумани ҳокимлиги «Қорбобога мактуб» акциясини бошлади. Бу ҳақда туман ҳокимлиги ахборот хизмати маълум қилди.
«Азиз болажонлар! Орзуларингиз ушалишини истайсизми? Унда учтепалик қорбобо сизнинг мактубингизни кутиб қолади. Ишонинг, бизнинг қорбобомиз бу сафар туманимиз ўғил-қизларига алоҳида эътибор беришга қарор қилди», — дейилади хабарда.
Болалардан «Қорбобога мактуб»да бу йил эришган ютуқлари ва орзулари ҳақида ёзиб юбориш сўралган. Қорбобо ва унинг ёрдамчилари эса ушбу номалардан энг сараларини танлаб, хоҳиш-истакларни рўёбга чиқармоқчи.
Мактублар 20 декабрга қадар қабул қилинади.
Изоҳ (0)