12 декабрь, пайшанба куни Тошкент вилояти Чиноз тумани «Тонг юлдузи» маҳалла фуқаролар йиғини аҳолисига хизмат кўрсатувчи, туман ИИБга қарашли 279-сонли таянч пунктида ўрнатилган Ўзбекистон Давлат байроғининг йиртилган ва яроқсиз ҳолатда эканлиги акс этган суратлар ижтимоий тармоқларда тарқалди. Шунингдек, фотосуратларда бино пештоқидаги ёзувнинг баъзи ҳарфлари тушиб қолганлиги ҳам кўрсатилган.
Тошкент вилояти ИИББ матбуот хизматининг маълум қилишича, ҳолат юзасидан йўл қўйилган хато ва камчиликлар шу куннинг ўзида бартараф этилган. Йиртиқ байроқ янгисига алмаштирилиб, сўзларида ҳарфлари тушиб қолган ёзув олиб ташланган. Масъул ходимларга келгусида бундай ҳолатлар такрорланмаслиги тушунтирилиб, қатъий огоҳлантирилган.
Шунингдек, қайд этилишича, ИИББга қарашли барча маъмурий бинолар ҳолатларини қайта кўздан кечириш учун топшириқлар берилган.
Изоҳ (0)