Норматив-ҳуқуқий ҳужжатлар лойиҳалари муҳокамаси порталига Вазирлар Маҳкамасининг «Ўзбекистон Республикасида ёшлар туризмини ривожлантиришга оид чора-тадбирлар тўғрисида»ги қарори лойиҳаси жойлаштирилди.
2020—2025 йилларда Ўзбекистонда Ёшлар туризмини ривожлантириш концепциясини амалга ошириш бўйича 2020 йилга мўлжалланган чора-тадбирлар режасида Тошкент шаҳрида Марказий Осиёнинг энг баланд Банжи-жампинг (арқонда сакраш) аттракционини барпо этиш мўлжалланган. Лойиҳани амалга ошириш 2020 йилнинг октябрь ойига режалаштирилган.
Шунингдек, Тошкентда жаҳонга машҳур бўлган Intervilles (Франция) каби экстремал шоунинг аналогини ташкил этиш, туризм мавсуми паст даврда Гулистон шаҳрида Cybersport (электрон ўйинлар спорти) йўналишида турли халқаро мусобақаларни ташкил этиш ва ўтказиш бўйича тадбирлар жадвалини ишлаб чиқиш ҳамда амалга ошириш каби вазифалар ҳам юклатилган.
Изоҳ (0)