АҚШда 36 йил аввал жўнатилган шиша ичидаги мактуб топилди

Америкалик Жошуа Мендес Массачусетсдаги Кейп-Код пляжи бўйлаб сайр қилиб юрганида 36 йил аввал жўнатилган шиша ичидаги мактубни топиб олди, деб хабар берди «РИА Новости».

Жошуа соҳилда бутунлай қум ичига кўмилиб қолган шиша идишни тасодифан кўриб қолди.

У шиша ичидан 11 ёшли Женни Браун исмли қизчанинг хатини топиб олди. Хат 1983 йил 14 май куни Жонспор шаҳридан юборилган. Қизча унга мактуб ёзишларини сўраган ҳамда манзилини илова қилган.

Мендес ўзининг 73 ёшли отаси Пол билан Женнини излаб топишга қарор қилди ҳамда ижтимоий тармоқларда бу ҳақда эълон қолдирди.

Ушбу постга Кети Мари Браун исмли фойдаланувчи изоҳ қолдириб, Женни Браун унинг опаси эканлиги ҳамда у ҳозиргача Жонспор шаҳрида яшашини ёзди.