Австралиялик сузувчи акула ҳужумидан кейин олган жароҳатларига қарамасдан, касалхонага ўзи етиб борди. Бу ҳақда Daily Mail хабар берди.
Маълум бўлишича, Австралиянинг Перт шаҳрида яшовчи 57 ёшли Питер О’Ҳэллоран Ғарбий Австралия штатининг Эксмут шаҳри яқинида махсус нафас олиш қурилмаси ёрдамида сув остида сузиш билан шуғулланаётган эди. Эркак қирғоқдан 400 метр узоқда бўлган вақтда акула унга ҳужум қилган.
Эркакнинг айтишича, акула унинг қўлидан тишлаган ва катта қисмини узиб олган. Шундан сўнг, у акуладан халос бўлиб, қирғоққача сузиб борган ва касалхонага мурожаат қилган. Унга биринчи ёрдам кўрсатилган. Кейин эса у жарроҳлик операцияси учун Пертга учиб кетган.
Қўлининг рентген тасвирига кўра, акула қўл суягининг бир қисмини гўшти билан узиб олган.
Изоҳ (0)