«Маданият вазирлиги ҳузуридаги Франция маданият маркази фаолиятини ташкил этиш тўғрисида» ҳукумат қарори қабул қилинди. Бу ҳақда «Ҳуқуқий ахборот» Telegram канали хабар бермоқда.
Қарор билан Франция маданият марказининг асосий вазифалари белгиланди.
Франция Республикаси билан маданий-гуманитар алоқалар мустаҳкамланишига кўмаклашиш, француз тилини, Франция маданияти ва тарихини ўрганишга кўмаклашиш шулар жумласидандир.
Қарорга кўра, марказ директори маданият вазири томонидан лавозимга тайинланади ва лавозимидан озод этилади.
Шунингдек, қарор билан марказнинг устави тасдиқланди.
Унга кўра, марказ юкланган вазифаларни бажариш учун бир қатор функцияларни амалга оширади. Жумладан, марказ негизида ихтисослаштирилган таълим дастурлари, курслар ва маҳорат дарсларини ташкил этади, икки мамлакат мутахассислари учун стажировкалар ташкил этади.
Изоҳ (0)