Андижонда 6 ноябрь куни «Беш ташаббус билан келажак сари» шиори остида бўлиб ўтган тадбирда вилоят ҳокими Шуҳрат Абдураҳмонов ғолиб спортчиларни тақдирлади.
Андижон вилояти ҳокимлиги матбуот хизматининг хабар беришича, тадбир шаҳардаги олимпия заҳиралари мактаб-интернатида ўтказилди. Унда вилоятнинг барча туман ва шаҳарларидан келган ўқувчи ва талаба ёшлар иштирок этган.
Ижтимоий тармоқларда тарқалган видеодан кўринишича, Шуҳрат Абдураҳмонов Тошкентда илк бор ташкил этилган ММА (аралаш жанг) бўйича GFC 20 турнирида ғалаба қозонган Нурсултон Рўзибоев, Авлиёхон Ҳамидов ва Аҳлиддин Мирзадавлатовга Spark автомобиллари калитини топширган. Бундан ташқари, Нурсултон Рўзибоевга спорт анжомлари учун 100 миллион сўм нақд пул кўринишидаги сертификат ҳам совға қилган.
Изоҳ (0)