Google асосчилари Ларри Пейж ва Сергей Брин Alphabet холдингини бошқаришдан воз кечди. Meduza’нинг ёзишича, бу ҳақда Alphabet баёнотида маълум қилинган.
Пейж Alphabet бош директори бўлиб, Брин эса холдинг президенти бўлган. Эндиликда холдинг бошқаруви Google бош директори Сундару Пичаи қўлига ўтади. У Google ва Alphabet’га раҳбарлик қилади. Пейж ва Брин холдингда директорлар кенгаши аъзолари сифатида иштирок этишда давом этади.
Пейж ва Брин ўзларининг кетишини Alphabet бошқарув тизимини соддалаштириш истаги билан изоҳлаган. «Биз ҳеч қачон компанияни бошқаришнинг яхши усули бўла туриб, унда раҳбарлик лавозимини сақлаб қолувчилардан бўлмаганмиз», — дейилади Пейж ва Брин баёнотида.
Сергей Брин ва Ларри Пейж Google қидирув тизимини 1998 йилда яратган. 2015 йилда улар Alphabet холдингини тузган. У Google компаниясини ҳам, бошқа лойиҳаларни ҳам ўз ичига олган. Ўша пайтда Google’ни Сундар Пичаи бошқарган.
Alphabet даромади 2018 йилда қарийб 31 миллиард долларни ташкил қилган. Компанияда 100 мингдан ортиқ одам ишлайди.
Изоҳ (0)