Самоа ҳукумати оммавий қизамиқ эпидемияси 50 нафар боланинг умрига зомин бўлгани ҳақида маълумот берди, деб ёзади Meduza.
Маълум бўлишича, эпидемия тарқалишига болаларни касалликка қарши эмлаш даражаси паст эканлиги сабаб бўлган.
Самоа фуқаролари 2018 йилда қизамиққа қарши эмланган икки бола вафот этганидан сўнг бундай вакцинани фарзандларига қилдиришдан бош тортган. Ушбу фожиали ҳолат ижтимоий тармоқларда қизамиқ вакцинасига қарши кампания бошланишига сабаб бўлган эди.
Аслида икки бола уларга укол қилган ҳамшираларнинг хатоси туфайли вафот этган.
2 декабрь, душанба куни Самоа ҳукумати октябрь ойида мамлакатда бошланган қизамиқ эпидемиясидан яна беш нафар бола вафот этганини эълон қилди. Касалликнинг тарқалишидан вафот этганларнинг умумий сони 53 киши, хусусан улардан бир нафари катта киши ва икки нафари ўсмир эди. Вафот этганларнинг аксарияти чақалоқлар ва кичик болалар, шу билан бирга, бир ёшгача бўлган 23 бола. Яна 19 нафар боланинг аҳволи оғирлиги айтилмоқда. Умумий ҳисобда мамлакатда қизамиқ эпидемияси бошланганидан буён 1100 дан ортиқ киши касалхонага ётқизилган», — дейилади хабарда.
Қайд этилишича, эпидемия бошланганидан буён Самоа ҳукумати мамлакатда фавқулодда ҳолат режимини эълон қилди ва 200 000 нафар аҳолининг барчасини эмлашни бошлади. Ҳозирда мажбурий эмлашдан 58 000 киши ўтган.
Изоҳ (0)