АҚШ Франциядан импорт қилинадиган маҳсулотларга 2,4 миллиард долларлик божхона божини жорий қилиш масаласини кўриб чиқмоқда. Бу АҚШ компанияларига нисбатан жорий қилинган «рақамли солиқ»қа жавоб сифатида амалга киритилиши режалаштирилмоқда. Бу ҳақда Meduza хабар берди.
АҚШ савдо ваколатхонасининг хабар беришича, Франция томонидан рақамли хизматларга жорий қилинган солиқ АҚШ компанияларини камситади ва уларнинг солиқ юкини ошириб юборади.
Жавоб чораси сифатида АҚШ 2020 йилда Франциянинг 63 номдаги маҳсулотига 100 фоизлик божхона божини жорий қилиши мумкин. Бу маҳсулотлар қаторига вино, пишлоқ, сумкалар ва косметика маҳсулотлари киради.
Мавзуга доир: Ўзбекистонда «Google солиғи» жорий қилиниши мумкин
Изоҳ (0)