Табиий газни нафақат қазиб олиш, балки уни пировард истеъмолчи – республика аҳолисига етказиб бериш муҳим аҳамиятга эга. Шу муносабат билан компания томонидан «Ўзбекнефтгаз» АЖ билан ҳамкорликда газ қувурлари қувватларини кучайтириш ишлари давом эттирилмоқда. Ўзбекистон Республикаси Президентининг 2017 йил 9 мартдаги «2017—2021 йилларда углеводород хом ашёсини қазиб олишни ошириш дастурини тасдиқлаш тўғрисида»ги ПҚ-2822-сонли қарорини бажариш юзасидан бир қатор ижобий натижаларга эришилди.
Шунга кўра, Муборак ҳудудида 101,4 минг м3 суткалик дебитга эга «Жанубий Кемачи» конининг 168-сонли қудуғи ишга туширилди. Диаметри 108х8 миллиметр ва узунлиги 2 километрдан ортиқ бўлган шлейф газ қувури қурилиши бажарилди. Қудуқ «Жанубий Кемачи» конида мавжуд КТБ-5 (кирувчи тармоқлар блоки)га уланди.
Шунингдек, Муборак ҳудудида 81,3 минг м3 суткалик дебитга эга «Умид» конининг 86-сонли янги қудуғи ишга туширилди. Диаметри 114х9 миллиметр ва узунлиги 2500 метр бўлган шлейф газ қувури қурилиши бажарилди, қудуқ мазкур конда мавжуд НТҚ (нефтни тайёрлаш қурилмаси)га уланди.
Шўртан ҳудудида 68,2 минг м3 суткалик дебитга эга «Шўртан» конининг 321-сонли қудуғи ишга туширилди. Диаметри 114х6 миллиметр ва узунлиги 1560 метр бўлган шлейф газ қувури қурилиши бажарилди, қудуқ «Шўртан» ЙП-4 (йиғиш пункти)дан «Шўртан» БГТҚ (бирламчи газ тайёрлаш қурилмаси)гача мавжуд коллектор газ қувурига уланди.
Газли ҳудудида 60,1 минг метр3 суткалик дебитга эга «Андакли» конининг 10-сонли қудуғи ишга туширилди. Диаметри 108х8 миллиметр ва узунлиги 301 метр бўлган шлейф газ қувури қурилиши бажарилди, қудуқ мазкур конда мавжуд КТБ (кирувчи тармоқлар блоки)га уланди.
«Ҳар бир шлейф газ қувури қурилишида 6 кишидан 8 кишигача бўлган бригада меҳнат қилмоқда. Ўртача бир кун давомида траншеялар қазилмоқда, газ қувури коммуникациялари жойлаштирилмоқда. Иш давомида биз экскаватор ва бульдозерлар каби оғир қурилиш техникасидан фойдаланамиз. Барча ишлар белгиланган муддатларда бажарилиб, ушбу жиҳат биз учун биринчи даражали вазифа ҳисобланади», — дейди Eriell Group ишлаб чиқариш-техника бўлими мутахассиси.
Компания аҳамиятли ишлар юзасидан хабар бериб боришда давом этади.
Eriell Group компанияси ахборот хизмати
Реклама ҳуқуқи асосида.
Изоҳ (0)