2019 йил 10 октябрда «Кварц» АЖ компанияси SPO (амалдаги акциядорларга тегишли бўлган акцияларнинг оммавий таклифи) бошланганлиги тўғрисида эълон қилди. Шу куни акцияларни сотиб олиш бўйича инвесторларнинг аризаларини қабул қилиш бошланди.
SPO ташаббускори «Кварц» АЖнинг асосий акциядори — давлат номидан Давлат активларини бошқариш агентлиги бўлди. Жойлаштириш ташкилотчиларидан бири (андеррайтер) инвестиция воситачиси – Portfolio Investments МЧЖ бўлди. Исталган шахс брокерлик компанияси билан шартнома тузиши ва юқори даромадли шиша ишлаб чиқарувчисининг эгаси бўлиши мумкин.
«Кварц» АЖ фаолиятининг барқарорлиги шундаки, корхона Ўзбекистонда ягона шиша лист ва силлиқланган шиша ишлаб чиқарувчиси ҳисобланади. Завод фойдасини ва акциядорларнинг даромадларининг ошиши истиқболларини шиша нархининг кўтарилишида кўриш мумкин. Агар нархлар 2019 йилнинг биринчи ярмида пасайган бўлса, иккинчи ярмида улар кўтарилди ва ўтган йили ўзининг чўққисига яқинлашди. Таҳлилчилар бундай тенденцияни яқин келажакда давом этади, деб ҳисоблашмоқда.
Шиша листларини ишлаб чиқариш бўйича янги линиянинг қурилиши ҳам ушбу корхона истиқболларининг кўрсаткичи бўлиб хизмат қилади. Йилига 20 миллион м2 дан ортиқ қувватга эга линия ёрдамида «Кварц» ўз ишлаб чиқариш ҳажмини икки баравар оширишни режалаштирмоқда. Лойиҳани молиялаштиришга 28,7 миллион доллар миқдоридаги ўз маблағларидан ташқари, JP Morgan Chase Bank холдинг 36 миллион евро (41,5 миллион доллар) миқдоридаги маблағлар жалб қилинган.
Бу омилларнинг барчаси «Кварц» АЖ компаниясининг Ўзбекистон ва Марказий Осиё бозоридаги кучли позициясидан далолат беради ва халқаро молиявий секторнинг кўп йиллик фахрийлари томонидан молиялаштирилиши халқаро инвестицион ҳамжамият томонидан билдирилган ишонч даражасини таъкидлайди. Бундан ташқари, 2018 йилда акциялар бўйича дивиденд даромади 27% дан кўпроқни ташкил этди, IPO’дан кейин эса котировкаларнинг ўсиши жойлаштиришнинг ўртача нархига нисбатан 170% дан кўпроқни ташкил этди. 2019 йил август ойида «Кварц» АЖ акциялари «Тошкент» республика фонд биржасидаги энг жозибали қимматли қоғозлар қаторига кирди.
SPO доирасида «Кварц» АЖ акцияларини сотиб олиш бўйича инвесторларнинг аризаларини қабул қилиш 2019 йил 24 декабргача давом этади.
Эслатиб ўтамиз, 2018 йилда «Кварц» АЖ фонд биржасида ўзининг 5 фоиздан ортиқ акцияларини бирламчи жойлаштиришни (IPO) амалга оширганди. Ўшанда заводнинг акциялари сармоядорлар орасида жуда талабгир эди. Ким ошди савдоси якунлари бўйича 7,5 млрд сўмлик акциялари сотилди. Жами 4 547 934 дона акция сотувга қўйилди. 3 305 киши компаниянинг янги акциядорларига айланди. «Кварц» Ўзбекистон тарихидаги акциялари IPO орқали сотилган биринчи корхона бўлди.
Шиша заводи акцияларининг асосий «харидорлари» Фарғона вилояти аҳолиси бўлди. Улар томонидан 5 млрд сўмлик қимматли қоғозлар сотиб олинди. Иккинчи ўринда – Тошкент. Пойтахт аҳолиси қарийб 2,4 млрд сўмлик акцияларни сотиб олишди.
Ушбу маълумот бирор молиявий воситанинг рекламаси эмас, фақат маълумот бериш мақсадида тақдим этилган ва қандайдир қимматли қоғозларни сотиб олиш ёки сотишга ундаш ҳисобланмайди ва акциядорлик жамиятлари томонидан кўрсатилган даромадларни олишни кафолатламайди.
Тел: (+998) 71−267−75−75
Манзил: Мирзо Улуғбек тумани, Мустақиллик шоҳ кўчаси, 107
Сайт: piamg.uz
E-mail: info@piamg.uz
Реклама ҳуқуқи асосида.
Изоҳ (0)