Корея республикасидаги энг катта Корея озодлиги мухолифат партияси етакчиси Хван Гё Ан очлик эълон қилганидан етти кун ўтгач шифохонага ётқизилди. Бу ҳақда «ТАСС» хабар берган.
Гё Ан мамлакатнинг амалдаги президенти Мун Чжэ Иннинг сиёсатига қарши чиқаётганди.
20 ноябрь, чоршанба куни Хван Гё Ан Жанубия Корея президенти администрацияси жойлашган Мовий бино ёнига чодир тикиб, очлик эълон қилган. У давлат раҳбарининг Япония билан ҳарбий ахборотлар алмашинувида махфийлик келишувини узайтирмаслик юзасидан чиқарган қарорига қарши чиқмоқда. Сайлов тизимида ислоҳотлар ўтказиш, юқори лавозимдаги амалдорларнинг коррупцияга оид жиноятларга алоқадорлигини тергов қилувчи алоҳида махсус орган ташкил қилинишига қарши чиқмоқда. Сиёсатчи ушбу кураш якуни ўлим билан тугаса ҳам миллий инқирозга қарши собит туришини билдирган.
Мухолифат етакчиси 27 ноябрда кучли чарчоқ ва лоҳаслик оқибатида ҳушдан кетган.
Хван Гё Ан шов-шувли сиёсий акциялари билан танилган. Сентябрь ойида у мамлакат адлия вазири лавозимига Чо Гукнинг тайинланишига қарши чиқиб, сочини қирдириб ташлаган ва якунда вазир истеъфога чиқишга мажбур бўлган.
Мавзуга доир: Жанубий Корея, Туркия ва Ўзбекистоннинг 10 ўхшаш жиҳати
Изоҳ (0)