«Атлетико» клуби ҳужумчиси Жоау Феликс Golden Boy—2019 совринига лойиқ кўрилди. Бу ҳақида Tuttosport нашри маълум қилди.
Аввалига ушбу совринга даъвогар юзта футболчи номи эълон қилинган, октябрь ойига келиб эса улардан йигирматаси саралаб олинганди. Сўнгги кучли учликдан португалиялик футболчидан ташқари Жейдон Санчо («Боруссия Д») ва Кай Ҳаверц («Байер») ўрин олганди.
Феликс 2018/19 йилги мавсумда «Бенфика» сафида 43 ўйин ўтказиб, 20 та голга муаллиф бўлди. 2019 йилнинг ёзида эса 125 миллион евро эвазига Мадриднинг «Атлетико» клуби сафига келиб қўшилганди.
Tuttosport томонидан ташкил қилинган ушбу соврин ҳар йили 21 ёшгача бўлган футболчиларга тақдим этилади. Эслатиб ўтамиз, ўтган йили «Аякс» ҳимоячиси Маттейс де Лигт ғолибликни қўлга киритганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)