“Atletiko” klubi hujumchisi Joau Feliks Golden Boy—2019 sovriniga loyiq ko‘rildi. Bu haqida Tuttosport nashri ma’lum qildi.
Avvaliga ushbu sovringa da’vogar yuzta futbolchi nomi e’lon qilingan, oktabr oyiga kelib esa ulardan yigirmatasi saralab olingandi. So‘nggi kuchli uchlikdan portugaliyalik futbolchidan tashqari Jeydon Sancho (“Borussiya D”) va Kay Haverts (“Bayer”) o‘rin olgandi.
Feliks 2018/19-yilgi mavsumda “Benfika” safida 43 o‘yin o‘tkazib, 20 ta golga muallif bo‘ldi. 2019-yilning yozida esa 125 million yevro evaziga Madridning “Atletiko” klubi safiga kelib qo‘shilgandi.
Tuttosport tomonidan tashkil qilingan ushbu sovrin har yili 21 yoshgacha bo‘lgan futbolchilarga taqdim etiladi. Eslatib o‘tamiz, o‘tgan yili “Ayaks” himoyachisi Matteys de Ligt g‘oliblikni qo‘lga kiritgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)