Тошкент вилоятида бегона уйга адашиб кириб қолган руҳий ҳаста эркак хонадон эгасини пичоқлаб ўлдирди. Бу ҳақда «Дарё»га Бош прокуратура матбуот хизмати хабар берди.
Маълум бўлишича, воқеа 15 ноябрь куни соат 00:30 ларда Қуйи Чирчиқ тумани, Улуғвол кўчасида юз берган. Муқаддам судланган 30 ёшли руҳий касал С.Н. бегона хонадонга адашиб кириб қолган. Сўнг хонадон эгаси 54 ёшли М.Ю. билан жанжаллашиб, уни ошхона пичоғи билан қасддан ўлдирган.
Мазкур ҳолат юзасидан туман прокуратураси томонидан шу куни С.Н.га нисбатан Жиноят кодексининг 97-моддаси 2-қисми «ж» банди (Ўта шафқатсизлик билан қасддан одам ўлдириш) билан жиноят иши қўзғатилган.
Изоҳ (0)