Сунъий интеллект билан қувватланган интеллектуал алоқа рақамли иқтисодиётга сезиларли даражада таъсир кўрсатишни бошлаб рақамли трансформация учун ҳал қилувчи аҳамиятга эга бўлмоқда. Huawei компаниясининг 2019 йилдаги тадқиқотларидан чиқарилган асосий хулоса шуки, унда 65 баллдан юқори кўрсаткичга эга интеллектуал алоқага мунтазам инвестиция ажратадиган мамлакатларда 1% дан юқорироқ ЯИМ ўсиши кузатилар экан. Шу билан бир вақтда интеллектуал технологиялар даврида иқтисодий тараққиётга эришиш глобал миқёсда ҳамкорлик қилишга ҳам боғлиқдир.Мана олти йилдирки GCI ҳисоботида сунъий интеллектга кенг полосали алоқа, булутли технологиялар ва буюмлар интернети билан бир қаторда интеллектуал алоқани таъминловчи тўртта таянч омиллардан бири сифатида урғу берилмоқда. Юқоридаги тўртта омил иқтисодий тараққиётни сезиларли кўламда тезлаштириш имкониятини беради.
Рақамли трансформация учун давлат даражасидаги кескин бурилиш2016 йилдаги GCI ҳисоботида ривожланаётган мамлакатлар учун кескин ўзгаришлар башорат қилинган эди. Мазкур индексда 35 балл йиққан мамлакат АКТ соҳасига киритилган инвестициялар билан алоқадор ЯИМ ўсишига оид мултипликатив эффект мавжуд бўлган чегарадан ўтади. GCI 2019 ҳисоботида келтирилган хулосага кўра, мазкур чегарадан сакраб ўтиш GCI индексидаги S-эгри чизиғининг юқори қисмида жойлашган мамлакатлар учун ушбу бозорларда рағбатлантирувчи эффектга эга бўлган. 65 эгри чизиғидан юқорида турган мамлакатларда бу кўрсаткич шиддат билан юқорига қараб ўсган. Мазкур мамлакатлар ривожланишнинг янги поғонасига қадам қўйишмоқда. Энг юқори GCI кўрсаткичларига эга мамлакатлар эса интеллектуал алоқа имкониятларидан фойдалана оладилар. Шу зайлда улар иқтисодий тараққиётни GCI индексидаги ҳар бир банд бўйича бошқа давлатлар кўрсаткичларидан 2,4 марта тезроқ жадаллаштиришга эришадилар.
Сўнгги нуқтадаги сунъий интеллект салоҳияти иқтисодий тараққиётни жадаллаштириши мумкинИнтеллектуал алоқа фақатгина ривожланган иқтисодиётларга манфаат келтирмайди. GCI 2019 ҳисоботида айтилишича, рақамли тараққиётнинг исталган босқичидаги мамлакатлар ЯИМ ўсишини таъминлаш учун «сўнгги нуқтадаги сунъий интеллект салоҳияти»дан турли соҳа ва ташкилотлар доирасида фойдалана оладилар.Ҳатто АКТ соҳасида етакчи бўлган Япония ва АҚШ сингари мамлакатлар ҳам ўзлари учун сунъий интеллект имкониятларини эндигина кашф этишмоқда. АКТ соҳасида ўз йўлини энди бошлаётган ва бу йўналишда бошқаларнинг тажрибасидан фойдаланаётган Хитой, Малайзия, Ҳиндистон, Филиппин ва Испания каби мамлакатлар ҳам сунъий интеллект борасида ҳозирча алоҳида натижаларга эриша олмадилар. Улар сунъий интеллект технологияларини имкон доирасида тезроқ татбиқ этмоқдалар.
Глобал ҳамкорлик ёрдамида интеллектуал алоқани кучайтиришGCI 2019 ҳисоботида янги қўшилган мамлакатлар ва бошқаларнинг тажрибасидан фойдаланаётган мамлакатлар йирик иқтисодий ўсишга эришадиган яна бир бошқа усул, яъни глобал ҳамкорликка ҳам алоҳида эътибор қаратилган. Интеллектуал алоқа тараққиёти глобал экотизимларга боғлиқ бўлганлиги туфайли, GCI 2019 ҳисоботида бешта асосий жабҳа: раҳбарлар, ахборотни қайта ишловчи мутахассислар, ахборот тўпловчилар, АКТ-компаниялар ва истеъмолчилар алоҳида ажратиб кўрсатилган. Уларнинг турли соҳалардаги ҳамкорлиги ташкилий тўсиқларни енгиб ўтиш ва тезкор бизнес натижаларга эришишни таъминлайди.
Мамлакатда рақамли ривожланиш қай даражада бўлишидан қатъи назар, сиёсий ҳукумат миллий иқтисодиётнинг кучли тарафларига холисона назар ташлаши, шу билан бирга, уларнинг интеллектуал алоқа экотизимидаги ўрнини ва уларни қўллашдан кўзланган манфаатларни тўғри белгилаши лозим.
«Биз ҳозирги вақтда 5G, сунъий интеллект ва булутли технологияларнинг бирлашуви алоқа тушунчасини қай даражада ўзгартириб юборганини кузатишимиз мумкин», — дейди Huawei ICT Infrastructure йўналишининг маркетинг бўйича директори Кевин Чжан. «Интеллектуал алоқа рақамли иқтисодиёт тараққиётини жадаллаштиради, шу боис давлат етакчилари ва янги ва бошқаларнинг тажрибасини қўллаётган мамлакатлардаги соҳанинг илғор компаниялари янги технологияларни ўзлаштириши, шунингдек, миллий рақамли трансформацияга оид режаларга бутун диққат-эътиборни жалб этиб, глобал ҳамкорликни ривожлантиришлари лозим. Шу билан бир вақтда биз интеллектуал алоқа жамиятдаги энг мураккаб ва чуқур илдиз отган муаммоларга, жумладан, иқлим ўзгариши ва аҳолининг ижтимоий қатламларга ажралиши каби масалаларга жавоб бўлишини яхши англаймиз. Huawei технологиялар, иловалар ва кўникмаларни барчага етказиш, шунингдек, интеллектуал алоқага тегишли афзалликларни ҳар бир инсон, ҳар бир оила ва ҳар бир компания учун очиш мақсадида саъй-ҳаракатларни фаоллаштиришга интилади.
GCI ахборот технологияларига самарали баҳо бериш мақсадида яратилган бўлиб, ундан сиёсий раҳбарият ва иқтисодий муносабатлар иштирокчилари рақамли иқтисодиётда муваффақиятли тараққиёт йўлида фойдаланишлари мумкин. GCI 2019 ҳисоботида жаҳон ЯИМ айланмасининг 95 фоизи ва ер юзидаги аҳолининг 84 фоизини ташкил қиладиган 79 та мамлакатга баҳо берилган.
Global Connectivity Index 2019 ҳақида батафсил маълумот учун қуйидаги ҳаволага ўтинг: http://www.huawei.com/minisite/gci/en/
Реклама ҳуқуқи асосида.
Изоҳ (0)