Совуқ кунлар бошланиб ҳаво ҳароратининг пасайиб бориши сабабли вилоятимизда истеъмолчиларнинг электр энергиясига бўлган талаби кундан кунга ортиб бормоқда.Электр энергиясидан мақсадсиз, яъни истеъмолчилар томонидан уларнинг маиший эҳтиёжларидан ташқари уйларни иситиш, овқат тайёрлаш мақсадларида фойдаланиш ҳолатларининг кўплиги электр тармоқларининг зўриқиб ишлашига, охир-оқибат электр қурилмалари жиҳозларининг муддатидан илгари ишдан чиқишига натижада электр таъминотида тез-тез узилишлар бўлишига олиб келмоқда.Вилоятимиздаги бир қатор саноат корхоналарини, уй-жой коммунал бошқармаларини турар жойлар, айниқса, кўп қаватли уйлар, касалхона, мактаб, боғча ва кўплаб савдо, овқатланиш ва маиший хизмат кўрсатиш шохобчаларида иссиқлик энергияси таъминоти тўғри йўлга қўйилмаганлиги, хоналарни иситишда асосан электр иситиш асбобларидан фойдаланилиши амалдаги электр энергияси истеъмоли миқдорининг вилоятимиз эҳтиёжи учун кескин ортиб кетишига сабаб бўлмоқда.Аслини олганда катта сарф-харажатлар эвазига электр станцияларда кўмир, мазут ва газ ёқилиб иссиқлик энергияси электр энергиясига айлантирилаётган бўлса, бизлар аксини қилиб электр энергиясини иссиқлик энергиясига айлантиряпмиз, яъни хоналарни иситиш ва овқат пишириш учун сарф қилмоқдамиз.Энерготизим турғунлигини сақлаб қолиш, электр тармоқларининг ортиқча юклама режимида ишлашини олдини олиш учун ўрнатилган автоматикаларни ишлашига бу эса ўз навбатида истеъмолчилар электр энергия таъминотига узилишлар бўлишига сабаб бўлмоқда.
Электр тармоқлари ортиқча юкламадан зўриқиб ишлаётган пайтларда энерготизим турғунлигини сақлаб турувчи махсус автоматик қурилмаларининг ўз-ўзидан инсон аралашувисиз ортиқча юкламадан ишлаб кетишига бунинг натижасида бир қатор подстанция ва электр узатиш тармоқларининг энерготизимдан ажраб қолишига, бир неча шаҳар ва туманларнинг электр таъминотини издан чиқишига, ишлаб чиқариш корхоналарида эса авария ҳатто бахтсиз ҳодисалар рўй беришига ҳам олиб келиши мумкин.
Агар олинаётган ва истеъмолчиларга узатилаётган электр энергияси амалдаги қоидаларга риоя қилинган ҳолда фақат маиший эҳтиёжлар учун тежаб-тергаб, оқилона фойдаланилса, вилоят иқтисодиёт тармоқлари учун ҳам аҳоли хонадонлари электр энергияси эҳтиёжи учун ҳам етарли бўлиб, электр энергиясини узлуксиз етказилишини таъминлаш мумкин бўлади.Куз-қиш мавсумида электр энергиясини узлуксиз етказилишини таъминлаш ҳамда ёнғинларни олдини олиш мақсадида истеъмолчиларимиздан ностандарт қўлбола иситгичлардан фойдаланилмаслик, электр энергиясидан оқилона фақат маиший эҳтиёжлар (ёритиш мақсадларида) учун фойдаланишини илтимос қилиб қоламиз.
«Андижон ҳудудий электр тармоқлари корхонаси» АЖ матбуот хизмати
Реклама ҳуқуқи асосида.
Изоҳ (0)