Ўтган 3 ой давомида «Ўзбекистон темир йўллари» АЖ Ҳарбийлаштирилган қўриқлаш бошқармаси томонидан 154 та темир йўл кесишмасида қоида бузиб ҳаракатланган транспорт воситаларининг фото ва видео материаллари келиб тушган. Бу ҳақда «Дарё»га Тошкент вилояти ИИББ Йўл ҳаракати хавфсизлиги бошқармаси матбуот хизмати маълум қилди.
Қайд этилишича, Тошкент вилоятида жойлашган темир йўл кесишмаларида ҳавфсизликни комплекс таъминлаш, содир бўлиши мумкин бўлган йўл транспорт ҳодисаларини олдини олиш мақсадида Тошкент вилояти ИИББ ЙҲХ бошқармаси «Ўзбекистон темир йўллари» АЖ Ҳарбийлаштирилган қўриқлаш бошқармаси билан ҳамкорликда видео кузатув камералари ёрдамида темир йўл кесишмаларидан ўтиш қоидалари бузиб ҳаракатланган транспорт воситалари ҳайдовчиларига нисбатан чоралар кўрилмоқда.
Ушбу фото ва видеода қайд этилган транспорт воситаларининг эгалари аниқланиб, уларга нисбатан Маъмурий жавобгарлик тўғрисидаги кодекснинг 130-моддасига (Транспорт воситалари ҳайдовчиларининг темир йўлнинг ўтиш жойларидан ўтиш қоидаларини бузиши) кўра маъмурий баённомалар расмийлаштирилмоқда.
Мавзуга доир: Тошкент вилоятидаги «Афросиёб» поезди ҳаракатланадиган темир йўл кесишмаларида йўл ўтказгичлар қурилади
Шунингдек, ўз ҳаётини хавф остига қўйган ҳолда кесишмада қарама-қарши йўналишга чиқиб ҳаракатланган Captiva ҳайдовчисига ҳам тегишли чоралар кўрилган.
Хабарда таъкидланишича, ҳайдовчиларининг темир йўлнинг ўтиш жойларидан ўтиш қоидаларини бузиши Маъмурий жавобгарлик тўғрисидаги кодекснинг 130-моддаси 1-қисмига асосан базавий ҳисоблаш миқдорининг 3 баравари, яъни 669 минг сўм миқдорида жарима солишга сабаб бўлади.
Изоҳ (0)