Жиззах вилоятида йирик миқдордаги нақд хорижий валюталарни Ўзбекистондан ноқонуний олиб чиқишга уриниш фош этилди. Бу ҳақда «Дарё»га Давлат божхона қўмитаси матбуот хизмати хабар берди.
Маълум бўлишича, божхоначилар «Қўшкент» чегара божхона постига қўшни мамлакатга ўтиш учун кириб келган хорижий фуқаро И.Э. бошқарувидаги Opel Astra машинасини белгиланган тартибда божхона кўригидан ўтказган.
Натижада ушбу шахс декларацияда кўрсатмасдан ва божхоначиларнинг оғзаки сўровида маълум қилмасдан, автомашинасида 100 500 долларни яширган ҳолда қўшни мамлакатга олиб чиқиб кетаётганлиги аниқланган.
Ҳозирда мазкур ҳолат юзасидан божхона органлари томонидан суриштирув ҳаракатлари давом этмоқда.
Изоҳ (0)