Наманган вилояти Уйчи тумани «Дўстлик» МФЙдаги уйда 17 ноябрь куни соат 03:10 ларда бир оиланинг 4 нафар аъзоси ис газидан заҳарланди, деб хабар бермоқда Фавқулодда вазиятлар вазирлиги.
Маълум қилинишича, воқеа жойида оиланинг 3 нафар аъзоси (хонадон эгасининг турмуш ўртоғи она ва икки нафар фарзанди) вафот этган, ота эса туман шифохонасига ётқизилган.
Воқеа сабаблари ўрганилганда, газ ускуналаридан ва иситиш мосламаларидан фойдаланишда ёнғин ва хавфсизлик талабларига риоя қилинмагани аниқланган. Қўлбола ясалган иситиш печига пропан газ баллони резина шланг орқали уланиб уй ичида фойдаланилган, оқибатда эса ис гази ҳосил бўлиб, фуқаролар ухлаб ётган вақтларида заҳарланган.
Аввалроқ Тошкент вилояти Қуйи Чирчиқ туманидаги намунавий уйларнинг бирида сизиб чиққан газ тўпланиб қолиши оқибатида портлаш юз берганди. Қашқадарёда саккиз киши ис газидан заҳарланган ва касалхонага ётқизилганди ҳамда Нукусда эр-хотин ис газидан заҳарланиб ўлгани, Жиззахда ис газидан бир оилада икки киши заҳарланиб, бир киши вафот этгани ҳақида хабар берилганди.
Изоҳ (0)