Ўзбекистон Журналистлар ижодий уюшмаси ижтимоий тармоқларда тарқалган пойтахт ҳокими Жаҳонгир Ортиқхўжаевнинг журналистларни йўқ қилиш таҳдиди ҳақидаги аудиоёзув бўйича муносабат билдирди, деб хабар бермоқда ЎзА.
Ижтимоий тармоқларда Тошкент шаҳар ҳокими Жаҳонгир Ортиқхўжаевга тегишли аудио ва матнли ахборот кенг тарқалди. Агар унга ишониладиган бўлса, шаҳар ҳокими сўз эркинлиги ва журналистлар шаънига нисбатан, нафақат эгаллаб турган лавозимига, балки умуман инсонийликка тўғри келмайдиган сўзларни билдирган.16 ноябрь куни ижтимоий тармоқларда Тошкент шаҳар ҳокими Жаҳонгир Ортиқхўжаевнинг журналистларни йўқ қилиш таҳдиди акс этган аудиоёзуви тарқалди. «Адолат» социал-демократик партияси биринчилардан бўлиб ушбу аудиёзувга муносабат билдирди. Партия ҳолатни инсон ҳуқуқлари ва унинг шаъни, қадр-қиммати, дахлсиз ҳуқуқларининг бузилиши деб ҳисоблашини маълум қилди.АОКА аудиоёзув бўйича ўрганиш олиб борилаётгани ҳамда ўрганиш натижасида тегишли чоралар кўрилишини маълум қилди.Журналистларимиз Уюшма томонидан Telegram каналида очилган «Ўзбекистон Журналистлари гуруҳи» саҳифасида ҳам ижтимоий тармоқларда Жаҳонгир Ортиқхўжаевга тегишли ана шу аудио ва матнли ахборот пайдо бўлган пайтдан бошлаб бундай муносабат маданиятсизлик экани ҳақидаги ўз фикр-мулоҳазаларини билдирмоқда.
Қўшимча қилиб шуни алоҳида таъкидлаймизки, Журналистлар уюшмаси тегишли ҳуқуқ-тартибот идоралари ушбу ҳолат юзасидан ўзларининг адолатли хулосаларини билдиришлари зарур, деб ҳисоблайди. Инсон шаъни, жумладан журналист шаъни ва ҳақ-ҳуқуқи ҳимояси Ўзбекистон Республикаси Конституциясида кафолатланган ва унинг ҳар қандай бузилишлари қонуний баҳоланиши лозим.
Халқ демократик партияси Жаҳонгир Ортиқхўжаевнинг журналистларга таҳдидини халқ ва давлатга ҳурматсизлик деб баҳолаган бўлса, «Миллий тикланиш» аудиоёзув ҳақиқийлиги исботланмагунга қадар унга муносабат билдиришдан бош тортгани ҳақида хабар берилганди.
Мавзуга доир:
- Жаҳонгир Ортиқхўжаев журналистларни йўқ қилиш билан таҳдид қилди (аудио)
- «Адолат» партияси Жаҳонгир Ортиқхўжаевнинг тарқаган аудиосига муносабат билдирди
- АОКА Жаҳонгир Ортиқхўжаевнинг журналистларни йўқ қилиш таҳдиди ҳақида: «Биз вазиятдан хабардормиз, тегишли чоралар кўрилмоқда»
- ХДП Жаҳонгир Ортиқхўжаевнинг журналистларга таҳдидини халқ ва давлатга ҳурматсизлик деб атади
- «Миллий тикланиш» эса аудиоёзув ҳақиқийлиги исботланмагунча унга муносабат билдиришдан бош тортди
Изоҳ (0)