Бугун, 15 ноябрдан бошлаб бутун дунё бўйлаб аксарият Instagram фойданувчилари постлар остига қўйилган «лайк»ларни кўра олмайди. Бу ҳақда ижтимоий тармоқнинг Twitter’даги саҳифасида маълум қилинди.
Қайд этилишича, синовдан ўтказилаётган тартиб бутун дунё мамлакатларини қамраб олади. Бироқ ижтимоий тармоқ қандай йўсинда аккаунтларни танлаб олишига аниқлик киритилмаган.
Янги тартибни синовдан ўтказиш учун танлаб олинган аккаунтлар эгалари «лайк»ларнинг умумий сонини ва бошқа постларга босилган «лайк»лар сонини кўра олмайди. Янгилик фото ва видеоларга баравар тегишли, дейилади хабарда.
Ижтимоий тармоқ «лайк»ларни бекор қилишни режалаштираётгани жорий йилнинг апрелида маълум бўлган эди.
Мавзуга доир: Facebook лайклар ҳисоблагичидан воз кечмоқчи. Instagram бу каби функцияни синовдан ўтказишни бошлади
Instagram 18 июль куни тест режимида пост остига қўйилган «лайк»лар сонини яширишни бошлаган эди. Ўшанда бу янги тартиб Австралия, Бразилия, Италия, Ирландия, Янги Зеландия ва Японияни қамраб олган эди.
Аввалроқ Instagram TikTok’ка ўхшаш Reels дастурини синовдан ўтказаётгани ҳақида хабар берилган эди.
Изоҳ (0)