2019 йил 13 ноябрь куни Қозоғистон пойтахти Нур-Султон шаҳридаги Talan Towers бизнес-марказида Tesla Supercharger тезкор зарядлаш станцияларининг очилиш маросими бўлиб ўтди.
Supercharger бу — Tesla автомобиллари учун компания томонидан ишлаб чиқарилган электр зарядлаш станцияси. Қувватлагичнинг максимал кучланиши 250 Киловаттни ташкил этади.
SuperchargerTesla Модель С, Модель Х ва Модель 3 маркаларидаги автомобилларни 20 дақиқада 50 фоиз, 40 дақиқада 80 фоиз электр қуввати билан зарядлайди. Supercharger ҳақидаги маълумот Tesla электромобилларининг sensor navigatsion экранларига ҳам жойлаштирилган.
Tesla Шимолий Америка, Европа ва Осиёда жами 12 мингта Supercharger станцияларига эга. Нур-Султондаги Supercharger Марказий Осиёдаги энг биринчи Tesla станцияси.
Қозоғистон пойтахтида зарядлаш станцияларининг бўлиши мамлакат ва Марказий Осиёда экологик транспорт инфратузилмасининг ривожланиши, электрокарлар эгаларининг кўпайиши, энергия тежайдиган ва яшил технологияларнинг тарққиётига туртки беради.
Talan Towers бизнес марказида 6 дона Tesla Supercharger тақдимоти ўтказилди: тўртта станция The Ritz-Carlton меҳмонхонасининг автотураргоҳида, яна иккита Supercharger эса Р1 ерости автотураргоҳида жойлашган.
Мавзуга доир:
Tesla компанияси эгаси, миллиардер Илон Маск жорий йилнинг июнь ойида 2019 йилда Қозоғистонда Tesla’нинг сервис марказлари ва Supercharger’лар пайдо бўлишини Twitter’да эълон қилганди.
https://twitter.com/elonmusk/status/1135971947144200193
Изоҳ (0)