Режиссёр Жаҳонгир Аҳмедовнинг «Илҳақ» тарихий-бадиий фильмининг бир қисми «Беларусьфильм» билан ҳамкорликда суратга олинади. Бу ҳақда фильм режиссёри Жаҳонгир Аҳмедов журналист Феруз Муҳаммадга берган қисқа интервьюсида маълум қилди.
Биз ‘Илҳақ’ тарихий фильмининг бир қисмини Беларусь республикасида суратга олишни режалаштирган эдик. Шу муносабат билан 8 ноябрь куни фильм ижодкорлари билан Беларусга етиб келдик. Айни кунларда суратга олиниши режалаштирилган тарихий бинолар ва жойлар билан танишиб чиқмоқдамиз.Ижодий жамоамиз ‘Беларусьфильм’ билан ҳамкорлик қилмоқда. ‘Беларусьфильм’нинг очиқ повильонларида ‘Илҳақ’ фильми учун махсус декорациялар қурилади. Фильмда беларуслик машҳур актёр-актрисалар ҳам рол ижро этишлари кутилмоқда.
Жаҳонгир Аҳмедов, «Илҳақ» тарихий фильмининг режиссёри
Маълумот учун, фильм «Ўзбеккино» миллий агентлиги буюртмасига биноан «Эзгу фильм» киностудияси томонидан суратга олинмоқда. «Илҳақ» тарихий фильмининг сценарий муаллифлари Жаҳонгир Аҳмедов ҳамда Ҳасан Тошхўжаевлар томонидан ёзилган. Фильм оператор Жаҳонгир Ибрагимов, рассом Баҳриддин Шамсуддинов, либос Зуҳра Ғаниева, гримм Зилола Собирова, продюсер Зафар Йўлдошевлар томонидан суратга олинмоқда.
Изоҳ (0)