Таиланднинг Яла вилоятида жойлашган назорат-ўтказиш пунктига қуролли ҳужум уюштирилиши ва отишма оқибатида 15 нафар одам ҳалок бўлди, тўрт нафар фуқаро турли даражадаги тан жароҳатлари олди. Бу ҳақда «Интерфакс» хабар берди.
«Катта эҳтимол билан бу жангарилар томонидан уюштирилган ҳужум. Бу охирги вақтларда кузатилган энг катта ҳужум бўлди», — дея таъкилдлаган вилоят хавфсизлик хизмати вакили.
Хабарга кўра, ҳужум уюштирганлар таъқибдан қочиш учун портловчи қурилмалардан фойдаланган ва машина йўлига михлар улоқтирган.
Яла – Таиланддаги тўрт вилоятнинг бири ва у ерда яшовчи аҳолининг асосий қисми мусулмонлар. 1909 йилгача Яла, Паттани ва Наратхиват вилоятлари Малай мусулмон султонлигининг ҳудудий қисмлари ҳисобланган.
Deep South Watch ташкилоти берган маълумот бўйича, ҳужумни 2004 йилда уч вилоятда кўтарилган қўзғалон асорати деб баҳолаш мумкин. Халқ исёнида 7 минг нафарга яқин одам ҳалок бўлган.
Изоҳ (0)