Toshkent shahar hokimi mahkamasi Moliya bosh boshqarmasida tasdiqlangan deklaratsiyada yangi tariflar belgilandi, deb xabar beradi Norma.
16-noyabrdan Toshkent shahri bo‘yicha III guruh tijoriy iste’molchilari bo‘lgan yuridik shaxslar uchun quyidagi stavkalar joriy etilmoqda:
- suv ta’minoti bo‘yicha — 1 metr kub uchun 730 so‘m (QQSsiz);
- oqava suv bo‘yicha— 1 metr kub uchun 460 so‘m (QQSsiz).
Suv ta’minoti va oqava suvni chiqarish xizmatlari ko‘rsatish qoidalari bo‘yicha iste’molchilar uchta guruhga bo‘lingan:
- I – xususiy uy-joylarda va ko‘p kvartirali uydagi xonadonlarda yashaydigan jismoniy shaxslar;
- II – issiqlik ta’minoti tashkilotlari, ISKX tashkilotlari, Mudofaa vazirligi va boshqa tashkilotlarning idoraviy uy-joy fondi va yotoqxonalari, budjet tashkilotlari, diniy tashkilotlar, elchixonalar va diplomatik vakolatxonalar, fuqarolarning o‘zini o‘zi boshqarish organlari, XUMSh;
- III – I va II guruhga kirmagan tashkilotlar.
Izoh (0)