Бугун,

  • USD 11095.31
  • RUB 173.84
  • EUR 10772.44

ИШИД террористик ташкилоти ўз раҳнамоси ва етакчиси Абу Бакр Ал-Бағдодийнинг ўлганлиги ҳақида тарқалган хабарларнинг ростлигини тасдиқлади. Ушбу маълумотни AFP агентлиги Twitter’даги саҳифасида эълон қилди.

Фото: АP

Фото: АP

Америка қуролли кучлари марказий қўмондонлиги раҳбари Кеннет Меккензи Оқ уйда журналистлар учун ўтказилган брифинг вақтида ИШИД террорчилик ташкилоти етакчиси Ал-Бағдодийни йўқ қилиш бўйича операция вақтида олти нафар жангари, жумладан, тўрт нафар аёл ўлганлигини билдирган. Пентагон ИШИД етакчисига қарши операция видеосидан парчани эълон қилган.

Абу Бакр Ал-Бағдодий Суриянинг Идлиб вилоятида АҚШ ҳарбийларининг ҳужуми натижасида ўлган, аниқроғи махсус қўшин аскарларидан тоннелга қочиб беркинган, у ерда ўзини ва икки нафар болани портлатиб юборган.

ИШИД раҳнамоси бўлган Бағдодий ўрнини унинг ёрдамчилари Абу Абдул Раҳмон ал-Жезрауий ёки Абу Усмон ал-Фарансий эгаллаши тахмин қилинган. Кейинроқ ИШИД ташкилоти раҳбарлиги келиб чиқиши туркман миллатига мансуб ироқлик собиқ зобит Абдулла Қардошга ўтиши маълум бўлган.

Бағдодийнинг жасади қолдиқлари бир вақтлар «Ал-Қоида» раҳбари Усама Бин Ладен мурдаси каби денгизга оқизилиши тахмин қилинган ва Ироқдаги АҚШ ҳарбий базасига олиб келинган.

Суриянинг Идлиб вилояти Бариша қишлоғида яшовчи аҳоли ИШИД етакчисини танимагани ва уни ипак ҳамда матолар сотувчи хорижлик савдогар деб ҳисоблагани хабар қилинган.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.

Изоҳ
Асосий янгиликлар
Маҳаллий
Машина олиб беришни ваъда қилиб, 248 кишини 12 млрд сўмга чув туширган фирибгарларга ҳукм ўқилди
Маҳаллий
Шавкат Мирзиёев Нукусдаги хонадонда ифторлик қилди (видео)
Дунё
Блинкен АҚШ фуқароларини зудлик билан Россияни тарк этишга чақирди